ប៉ុន្មានថ្ងៃមកនេះ ហេតុការណ៍រញ្ជួយដីនៅក្នុងទីក្រុង Izmir ប្រទេសតួកគី បានសម្លាប់មនុស្សយ៉ាងហោចណាស់១១១នាក់និង មនុស្សលើសពី៩០០នាក់កំពុងតែរងរបួស រួមទាំងសត្វចិញ្ចឹមជាច្រើនក្បាលទៀត ធ្វើឲ្យក្រុមសង្គ្រោះបានដុតដៃដុតជើង ខ្វែងគ្នាធ្វើការដើម្បីជួយសង្គ្រោះទាំងមនុស្សទាំងសត្វ ដែលនៅមានជីវិតផងដែរ។
ដោយឡែក ក្រៅពីជួយសង្គ្រោះមនុស្ស ដែលកំពុងតែជាប់នៅក្រោមថ្មអាគារ ដែលកំពុងតែសង្កត់ពីលើនោះ ក្រុមសង្គ្រោះក៏ ចេញប្រតិបត្តិការណ៍ជួយសង្គ្រោះសត្វចិញ្ចឹមដែលមានដូចជា សុនខ ឆ្មា ទន្សាយនិង សេក ដែលនៅជីវិត រង់ចាំការជួយសង្គ្រោះ ដែលពួកវាក៏មានជីវិតចង់រស់នៅ មិនខុសពីមនុស្សនោះឡើយ ជាពិសេសមើលទៅ គឺហាក់បីដូចជា ពួកវាហាក់បីស្រែករកជំនួយពីមនុស្សយ៉ាងអញ្ចឹង។
ក្រោយពីបានឃើញរូបនិង វីដេអូខ្លីៗទាំងនេះហើយ ប្រជាជននិង មហាជនបានសរសើរនិង ថ្លែងអំណរគុណដល់ក្រុមសង្គ្រោះទាំងអស់ដែលបាន លះបង់កម្លាំងកាយកម្លាំងចិត្ត ជួយសង្គ្រោះជីវិតជាច្រើនដោយមិនបាន ខ្វល់ខ្វាយ ថាជាមនុស្សឬ សត្វនោះឡើយអ្វីដែលគួរឲ្យសរសើរនោះគឺ មានសុនខមួយចំនួនបាននាំគ្នាហិតក្លិនរក ជនរងគ្រោះដែលនៅមានជីវិតថែមទៀតផង៕
សូមចូលមើលរូបភាពខាងក្រោមនេះ ៖
